ספר תנ"ך בפורמט דיגיטלי - תורה נביאים כתובים מבית הפורמט הדיגיטלי שלי - יוסי קווטינסקי

תהילים ׃ ו יַמְטֵ֥ר עַל־רְשָׁעִ֗ים פַּ֫חִ֥ים אֵ֣ש וְגָפְרִית וְר֥וּח זִלְעָפ֗וֹת מְנָ֣ת כּוֹסָֽם ׃ ז כִּֽי־צַדִּ֣יק יְהוָה צְדָק֣וֹת אָהֵ֑ב י שָׁ֗ר יֶחֱז֥ו פָנֵֽימו ׃ תהילים פרק יב א לַמְנַצֵּ֥ח ﬠַֽל־הַשְּׁמִינִ֗ית מִזְמ֥וֹר לְדָוִֽד ׃ ב הוֹשִׁ֣יעָה יְהוָה כִּי־גָמַ֣ר חָסִ֑יד כִּי־פַ֥סּו אֱמוּנִ֗ים מִבְּנֵ֥י אָדָֽם ׃ ג שָׁ֤וְא׀ יְֽדַבְּרו אִ֤יש אֶת־רֵ֫ﬠֵ֥הו שְׂפַ֥ת חֲלָק֑וֹת בְּלֵ֖ב וָלֵ֣ב יְדַבֵּֽרו ׃ ד יַכְרֵ֣ת יְהוָה כָּל־שִׂפְתֵ֣י חֲלָק֑וֹת לָשׁ֗וֹן מְדַבֶּ֥רֶת גְּדֹלֽוֹת ׃ ה אֲשֶׁ֤ר אָֽמְר֨וּ׀ לִלְשֹׁנֵ֣נו נַגְבִּיר שְׂפָתֵ֣ינו אִתָּ֑נו מִ֖י אָד֣וֹן לָֽנו ׃ ו מִשֹּׁ֥ד ﬠֲנִיִּים מֵאַנְקַ֪ת אֶבְי֫וֹנִ֥ים עַתָּ֣ה אָקום יֹאמַ֣ר יְהוָ֑ה אָשִׁ֥ית בְּיֵ֗שַׁע יָפִ֥יח לֽו ׃ ז אִֽמֲר֣וֹת יְהוָה אֲמָר֪וֹת טְהֹ֫ר֥וֹת כֶּ֣סֶף צָרוּף בַּﬠֲלִ֣יל לָאָ֑רֶץ מְזֻקָּ֗ק שִׁבְעָתָֽיִם ׃ ח אַתָּֽה־יְהוָ֥ה תִּשְׁמְרֵ֑ם תִּצְּרֶ֓נּוּ׀ מִן־הַדּ֖וֹר ז֣ו לְעוֹלָֽם ׃ ט סָבִ֗יב רְשָׁﬠִ֥ים י תְהַלָּכ֑וּן כְּרֻ֥ם זֻלּ֗וּת לִבְנֵ֥י אָדָֽם ׃ תהילים פרק יג א לַמְנַצֵּ֗ח מִזְמ֥וֹר לְדָוִֽד ׃ ב עַד־אָ֣נָה יְהוָה תִּשְׁכָּחֵ֣נִי נֶ֑צַח עַד־אָ֓נָה׀ תַּסְתִּ֖יר אֶת־פָּנֶ֣יך מִמֶּֽנִּי ׃ ג עַד־אָ֨נָה אָשִׁ֪ית עֵצ֡וֹת בְּנַפְשִׁ֗י יָג֣וֹן בִּלְבָבִ֣י יוֹמָ֑ם עַד־אָ֓נָה׀ יָר֖וּם אֹיְבִ֣י עָלָֽי ׃ ד הַבִּ֣יטָֽה ﬠֲנֵנִי יְהוָ֣ה אֱלֹהָ֑י הָאִ֥ירָה עֵינַ֗י פֶּן־אִישַׁ֥ן הַמָּֽוֶת ׃ ה פֶּן־יֹאמַ֣ר אֹיְבִ֣י יְכָלְתִּ֑יו צָרַ֥י יָגִ֗ילו כִּ֣י אֶמּֽוֹט ׃ ו וַאֲנִ֤י׀ בְּחַסְדְּך בָטַחְתִּי יָ֤גֵ֥ל לִבִּ֗י ב ישׁוּעָ֫תֶ֥ך אָשִׁ֥ירָה לַיהוָ֑ה כִּ֖י גָמַ֣ל עָלָֽי ׃ תהילים פרק יד א לַמְנַצֵּ֗ח לְדָ֫וִ֥ד אָ֘מַ֤ר נָבָ֣ל בְּלִבּו אֵ֣ין אֱלֹהִ֑ים הִֽשְׁחִ֗יתו הִֽתְﬠִ֥יבו ﬠֲלִילָ֗ה אֵ֣ין עֹֽשֵׂה־טֽוֹב ׃ ב יְֽהוָ֗ה מִשָּׁמַיִם הִשְׁקִ֪יף ﬠַֽל־בְּנֵי־אָ֫דָ֥ם לִרְ אוֹת הֲיֵ֣ש מַשְׂכִּ֑יל דֹּרֵש אֶת־אֱלֹהִֽים ׃ ג הַכֹּ֥ל סָר יַחְדָּ֪ו נֶ֫אֱלָ֥חו אֵ֤ין עֹֽשֵׂה־ט֑וֹב אֵ֗ין גַּם־אֶחָֽד ׃ ד הֲלֹ֥א יָדְעו כָּל־פֹּ֪ﬠֲלֵ֫י אָ֥וֶן אֹכְלֵ֣י עַמִּי אָ֣כְלו לֶ֑חֶם יְהוָ֗ה לֹ֣א קָרָֽאו ׃ ה שָׁ֤ם׀ פָּ֣חֲדו פָ֑חַד כִּֽי־אֱלֹהִ֗ים בְּד֣וֹר