ספר תנ"ך בפורמט דיגיטלי - תורה נביאים כתובים מבית הפורמט הדיגיטלי שלי - יוסי קווטינסקי

תהילים

תהילים פרק כד א לְדָוִ֗ד מִ֫זְמ֥וֹר לַֽיהוָה הָאָ֣רֶץ וּמְלוֹאָ֑ה תֵּבֵ֗ל וְיֹ֣שְׁבֵי בָֽה ׃ ב כִּי־ה֖וּא עַל־יַמִּ֣ים יְסָדָ֑ה וְעַל־נְהָר֗וֹת יְכוֹנְנֶֽה ׃ ג מִֽי־יַﬠֲלֶ֥ה בְהַר־יְהוָ֑ה וּמִי־ יָקוּם בִּמְק֥וֹם קָדְשֽׁו ׃ ד נְקִ֥י כַפַּ֗יִם וּֽבַר־לֵ֫בָ֥ב אֲשֶׁ֤ר׀ לֹא־נָשָׂ֣א לַשָּׁ֣וְא נַפְשִׁ֑י וְלֹ֖א נִשְׁבַּ֣ע לְמִרְמָֽה ׃ ה יִשָּׂ֣א בְרָכָה מֵאֵ֣ת יְהוָ֑ה וּצְדָקָ֗ה מֵאֱלֹהֵ֥י יִשְׁעֽו ׃ ו זֶה דּ֣וֹר דֹּרְשׁו מְבַקְשֵׁ֨י פָנֶ֖יך יַﬠֲקֹ֣ב סֶֽלָה ׃ ז שְׂא֤וּ שְׁעָרִ֨ים ׀ רָֽאשֵׁיכֶ֗ם וְֽהִנָּשְׂאו פִּתְחֵ֣י עוֹלָ֑ם וְיָב֗וֹא מֶ֣לֶך הַכָּבֽוֹד ׃ ח מִ֥י זֶה מֶ֤לֶך הַכָּ֫ב֥וֹד יְהוָה עִזּ֣וּז וְגִבּ֑וֹר יְהוָ֗ה גִּבּ֥וֹר מִלְחָמָֽה ׃ ט שְׂא֤וּ שְׁעָרִ֨ים׀ רָֽאשֵׁיכֶ֗ם וּשְׂאו פִּתְחֵ֣י עוֹלָ֑ם וְיָבֹא מֶ֣לֶך הַכָּבֽוד ׃ י מִ֤י ה֣וּא זֶה מֶ֤לֶך הַכָּ֫ב֥וֹד יְהוָ֥ה צְבָא֑וֹת ה֤וּא מֶ֖לֶך הַכָּב֣וֹד סֶֽלָה ׃ תהילים פרק כה א לְדָוִ֡ד אֵלֶ֥יך יְהוָ֗ה נַפְשִׁ֥י אֶשָּֽׂא ׃ ב אֱֽלֹהַ֗י בְּך בָטַחְתִּי אַל־אֵב֑וֹשָׁה אַל־יַֽעַלְצ֖ו אֹיְבַ֣י לִֽי ׃ ג גַּ֣ם כָּל־קוֶֹיך לֹ֣א יֵבֹ֑שׁו יֵבֹ֗שׁו הַבּוֹגְדִ֥ים רֵיקָֽם ׃ ד דְּרָכֶ֣יך יְהוָה הוֹדִיﬠֵ֑נִי אֹ֖רְחוֹתֶ֣יך לַמְּדֵֽנִי ׃ ה הַדְרִ֘יכֵ֤נִי בַאֲמִתֶּ֨ךָ׀ וְֽלַמְּדֵ֗נִי כִּֽי־אַתָּה אֱלֹהֵ֣י יִשְׁﬠִ֑י אוֹתְך קִוִּ֗יתִי כָּל־הַיּֽוֹם ׃ ו זְכֹר־רַחֲמֶ֣יך יְהוָה וַחֲסָדֶ֑יך כִּ֖י מֵעוֹלָ֣ם הֵֽמָּה ׃ ז חַטֹּ֤אות נְעוּרַ֨י׀ וּפְשָׁעַ֗י אַל־תִּ֫זְכֹּ֥ר כְּחַסְדְּך זְכָר־לִי־אַ֑תָּה לְמַ֖עַן טוּבְך יְהוָֽה ׃ ח טוֹב־וְיָשָׁ֥ר יְהוָ֑ה עַל־כֵּ֤ן יוֹרֶ֖ה חַטָּאִ֣ים בַּדָּֽרֶך ׃ ט יַדְרֵ֣ך ﬠֲנָוִים בַּמִּש פָּ֑ט וִֽילַמֵּ֖ד ﬠֲנָוִ֣ים דַּרְכּֽו ׃ י כָּל־אָרְח֣וֹת יְהוָה חֶ֣סֶד וֶאֱמֶ֑ת לְנֹצְרֵ֥י בְרִית֗ו וְעֵדֹתָֽיו ׃ יא לְמַֽעַן־ שִׁמְך יְהוָ֑ה וְֽסָלַחְת לַﬠֲוֹנִ֗י כִּ֣י רַב־הֽוּא ׃ יב מִי־זֶ֣ה הָאִיש יְרֵ֣א יְהוָ֑ה יוֹרֶ֗נּו בְּדֶ֣רֶך יִבְחָֽר ׃ יג נַפְשׁו בְּט֣וֹב תָּלִ֑ין וְזַרְע֗ו יִ֣ירַש אָֽרֶץ ׃ יד ס֣וֹד יְהוָה לִירֵאָ֑יו וּבְרִית֗ו לְהוֹדִיﬠָֽם ׃ טו עֵינַ֣י תָּמִיד אֶל־יְהוָ֑ה כִּ֤י הֽוּא־ יוֹצִ֖יא מֵרֶ֣שֶׁת רַגְלָֽי ׃ טז פְּנֵה־אֵלַ֥י וְחָנֵּ֑נִי כִּֽי־יָחִ֖יד וְעָנִ֣י אָֽנִי ׃ יז צָר֣וֹ ת לְבָבִ֣י הִרְחִ֑יבו מִמְּצֽוּקוֹתַ֗י הוֹצִיאֵֽנִי ׃ יח רְאֵ֣ה עָנְיִי וַﬠֲמָלִ֑י וְשָׂ֗א לְכָל־ חַטֹּאותָֽי ׃ יט רְאֵֽה־אוֹיְבַ֥י כִּי־רָ֑בּו וְשִׂנְאַ֖ת חָמָ֣ס שְׂנֵאֽוּנִי ׃ כ שָׁמְרָ֣ה