ספר תנ"ך בפורמט דיגיטלי - תורה נביאים כתובים מבית הפורמט הדיגיטלי שלי - יוסי קווטינסקי

תהילים

תהילים פרק מח א שִׁ֥יר מִזְמוֹר לִבְנֵי־קֹֽרַח ׃ ב גָּ֘ד֤וֹל יְהוָ֣ה וּמְהֻלָּ֣ל מְאֹ֑ד בְּﬠִ֥יר אֱלֹהֵ֗ינו הַר־קָדְשֽׁו ׃ ג יְפֵ֥ה נוֹף מְשׂ֪וֹש כָּל־הָ֫אָ֥רֶץ הַר־צִיּוֹן יַרְכְּתֵ֣י צָפ֑וֹן קִרְיַ֗ת מֶ֣לֶך רָֽב ׃ ד אֱלֹהִ֥ים בְּאַרְמְנוֹתֶ֗יה נוֹדַ֥ע לְמִשְׂגָּֽב ׃ ה כִּֽי־הִנֵּ֣ה הַמְּלָכִים נֽוֹﬠֲד֑ו עָבְר֥ו יַחְדָּֽו ׃ ו הֵ֣מָּה רָאו כֵּ֣ן תָּמָ֑הו נִבְהֲל֥ו נֶחְפָּֽזו ׃ ז רְעָדָה אֲחָזָ֣תַם שָׁ֑ם חִ֗יל כַּיּולֵֽדָה ׃ ח בְּר֥וּח קָדִ֑ים תְּשַׁבֵּ֗ר אֳנִיּ֥וֹת תַּרְשִֽׁיש ׃ ט כַּאֲשֶׁ֤ר שָׁמַ֨עְנוּ׀ כֵּ֤ן רָאִ֗ינו בְּעִיר־יְהוָ֣ה צְבָאוֹת בְּﬠִ֣יר אֱלֹהֵ֑ינו אֱלֹ֘הִ֤ים יְכוֹנְנֶ֖ה עַד־עוֹלָ֣ם סֶֽלָה ׃ י דִּמִּ֣ינו אֱלֹהִ֣ים חַסְדֶּ֑ך בְּקֶ֗רֶב הֵיכָלֶֽך ׃ יא כְּשִׁמְך אֱלֹהִ֗ים כֵּ֣ן תְּהִלָּתְך עַל־קַצְוֵי־אֶ֑רֶץ צֶ֗דֶק מָלְאָ֥ה יְמִינֶֽך ׃ יב יִשְׂמַ֤ח׀ הַר־צִיּ֗וֹן תָּגֵלְנָה בְּנ֣וֹת יְהוּדָ֑ה לְמַ֗עַן מִשְׁפָּטֶֽיך ׃ יג סֹ֣בּו צִיּוֹן וְהַקִּיפ֑וּה סִפְר֗ו מִגְדָּלֶֽיה ׃ יד שִׁ֤יתו לִבְּכם׀ לְֽחֵילָ֗ה פַּסְּג֥ו אַרְמְנוֹתֶ֑יה לְמַ֥עַן תְּסַפְּר֗ו לְד֣וֹר אַחֲרֽוֹן ׃ טו כִּ֤י זֶ֨ה׀ אֱלֹהִ֣ים אֱלֹהֵינו עוֹלָ֣ם וָﬠֶ֑ד ה֖וּא יְנַהֲגֵ֣נו עַל־מֽוּת ׃ תהילים פרק מט א לַמְנַצֵּ֬חַ׀ לִבְנֵי־קֹ֬רַח מִזְמֽוֹר ׃ ב שִׁמְעוּ־זֹאת כָּל־הָֽעַמִּ֑ים האֲזִ֗ינו כָּל־יֹ֥שְׁבֵי חָֽלֶד ׃ ג גַּם־בְּנֵ֣י אָדָם גַּם־בְּנֵי־אִ֑יש יַ֗חַד עָשִׁ֥יר וְאֶבְיֽוֹן ׃ ד פִּי יְדַבֵּ֣ר חָכְמ֑וֹת וְהָג֖וּת לִבִּ֣י תְבוּנֽוֹת ׃ ה אַטֶּ֣ה לְמָשָׁ֣ל אָזְנִ֑י אֶפְתַּ֥ח בְּכִנּ֗וֹר חִידָתִֽי ׃ ו לָ֣מָּה אִירָא בִּ֣ימֵי רָ֑ע ﬠֲוֹ֖ן ﬠֲקֵבַ֣י יְסוּבֵּֽנִי ׃ ז הַבֹּטְחִ֥ים עַל־חֵילָ֑ם וּבְרֹ֥ב עָשְׁרָ֗ם יִתְהַלָּֽלו ׃ ח אָ֗ח לֹא־פָדֹ֣ה יִפְדֶּ֣ה אִ֑יש לֹא־ יִתֵּ֖ן לֵאלֹהִ֣ים כָּפְרֽו ׃ ט וְיֵקַר פִּדְי֥וֹן נַפְשָׁ֗ם וְחָדַ֥ל לְעוֹלָֽם ׃ י וִֽיחִי־עוֹד לָנֶ֑צַח לֹ֖א יִרְאֶ֣ה הַשָּֽׁחַת ׃ יא כִּ֤י יִרְאֶ֨ה׀ חֲכָ֘מִ֤ים יָמ֗וּתו יַ֤חַד כְּסִ֣יל וָבַ֣עַר יֹאבֵ֑דו וְעָזְב֖ו לַאֲחֵרִ֣ים חֵילָֽם ׃ יב קִרְבָּ֤ם בָּתֵּ֨ימוֹ׀ לְֽעוֹלָ֗ם מִשְׁכְּנֹתָם לְדֹ֣ר וָדֹ֑ר קָֽרְא֥ו בִשְׁמוֹתָ֗ם ﬠֲלֵ֣י אֲדָמֽוֹת ׃ יג וְאָדָ֣ם בִּיקָר בַּל־יָלִ֑ין נִמְשַׁ֖ל כַּבְּהֵמ֣וֹת נִדְמֽו ׃ יד זֶ֣ה דַרְכָּם כֵּ֣סֶל לָ֑מו וְאַחֲרֵיהֶ֓ם׀ בְּפִיהֶ֖ם יִרְצ֣ו סֶֽלָה ׃ טו כַּצֹּ֤אן׀ לִֽשְׁא֣וֹל שַׁתּו מָ֤וֶת יִ֫רְﬠֵ֥ם וַיִּרְדּ֘ו בָ֤ם יְשָׁרִ֨ים׀ לַבֹּ֗קֶר וְצִירָם לְבַלּ֥וֹת שְׁא֗וֹל מִזְּבֻ֥ל לֽו ׃ טז אַךְ־אֱלֹהִ֗ים יִפְדֶּ֣ה